عزیز ، صدّیق قرداشلرم رأفت ، محمد فيضي ، صبري !
بن شدّتلی بر اشارت و معنوی بر اخطارله سز أوچڭزدن رسالۀ نورڭ خاطری و بو بایرامڭ حرمتی و اسكی حقوقمزڭ حقی ایچون چوق رجا ایدرمكه ، دهشتلی یڭی بر یاره مزڭ تداویسنه چالیشیڭز . چونكه كیزلی دوشمانلریمز ایكی پلانی تعقیب ایدییورلر : بری ، بنی اهانتلرله چوروتمك ؛ ایكنجیسی ، مابينمزه بر صوغوقلق ويرمكدر. باشده خسرو علیهنده بر تنقید و اعتراض و كوجنمك ایله بزی بربریمزدن آييرمقدر. بن سزه اعلان ایدرمكه ؛ خسروڭ بیڭ قصوری اولسه بن اونڭ علیهنده بولونمقدن قورقارم. چونكه شيمدي اونڭ علیهنده بولونمق ، طوغریدن طوغری یه رسالۀ نور علیهنده و بنم علیهمده و بزی پریشان ایدنلرڭ لهنده بر عظیم خیانتدر كه ، بنم صوبه مڭ پارچه لانمسی كبی عجیب ، سببسز بر حادثه باشمه كلدی . و بڭا یاپیلان بو صوڭ اشكنجه دخی ، بو معناسز و چوق ضررلی تساندسزلگڭزدن كلدیگنه قناعتم وار . دهشتلی بر پارماق بورایه ، خصوصًا آلتنجی یه قاریشییور . بنی بو بایرامده آغلاتماییڭز ، چابوق قلبًا تام باریشیڭز .
سعید نورسی [١]
![استاد بدیعالزمانڭ كندی مبارك خطی ایله یازدیغی اوريژينالي](images/husrevin-aleyhinde-bulunmaktan-korkarim.png)
استاد بدیعالزمانڭ كندی مبارك خطی ایله یازدیغی اوريژينالي