بدیع الزمان حضرتلرینڭ امرطاغنده قالدیغی ١٩٤٤ صوڭره سنده و الليلي ییللرده استادي زيارته كیتمك ایسته ین طلبه لرڭ أوڭجه اسپارطه یه خسرو افندی یه اوغرامه لری یایغین بر عدد حالنه كلمشدی . زیرا بدیع الزمان حضرتلری ، كلنلره خسروه اوغرايوب اوغرامدقلريني صورويوردي . زيارتجيلر أوڭجه اسپارطه ده خسرو أفندی یی زیارت ایدییور ، استادڭ طورومی حقّنده اوندن بیلگی آلییور و اونڭ توصیه لرینه كوره حركت ایدییورلردی .
بوردورلی نور طلبه لريندن عبد الرّحمن جرّاح اوغلي ، خاطره لرنده بونی شویله آڭلاتیر : ” … او كونلرده رؤیامده خسرو أفندی یی كوردم . أوّلجه اونی هیچ طانيمييوردم . رؤیامده ألنه بر آغاچ دالی آلارق ، او آغاچ دالی ایله بر انسانڭ طیش خطلارڭي چيزدي . یینه اورته دن بر چیزگی ایله ایكی قسمه آییردی . بڭا دیدیكه ؛ ‘ایشته انسانڭ شر طرفی ، بو طرف دە خیر طرفی . رسالۀ نور انسانڭ شر طرفنی خیره قلب ايدييور . ‘ … أوڭجه اسپارطه یه كیتدم . خسرو افند یله طانيشدم . اونی ، اوڭنده كی رحله ده یازی یازاركن بولدم . بیتمز ، توكنمز عزمله چالیشییوردی . رنگی بم بیاض اولمشدی . ضعیف بر بنیه سی واردی . فقط او حالیله بر ایمان قلعه سی اولدیغی هر حالی و قونوشمه سی ایله بللی اولویوردی . “ آرادن قیصه بر زمان صوڭره امرطاغه استاد حضرتلريڭي زیارته كیتدم . امرطاغلي محمد چالیشقان آغابگ واسطه سیله استاد حضرتلرندن مساعده آلیندی . استادڭ متواضع اوطه سنه كیردك . یانمده استانبولدن همشهرم عثمان كور اوغلي واردی . أللرندن أوپدك . بڭا : ‘ خسروه گيتدڭمي ؟ ‘ دییه صوردیلر . أوّلا ، خسرو أفندی یی زیارت ایتدیگمی سویله دم . ‘ ایی یاپدڭ ، خسروه قرق جانم اولسه فدا اولسڭ دیدیلر . “ [١]