وصيتنامه مدر .

بِاسْمِه۪ سُبْحَانَهُ وَاِنْ مِنْ شَيْءٍ اِلَّا يُسَبِّحُ بِحَمْدِه۪

اَلسَّلاَمُ عَلَيْكُمْ وَ رَحْمَةُ اللهِ وَ بَرَكَاتُهُ اَبَدًا

اجل كیزلی اولمه سندن ، وصیتنامه یازمق سنتدر . بنم متروكاتم و رسالۀ نوردن اولان بنم خصوصی كتابلرم و كوزل جلدلنمش مجموعه لرم وسائره شیلرم بتوننی ، كول و نور فابريقه لرينڭ هيئتنه ، باشده خسرو و طاهری اولارق او هيئتدن اون ایكی قهرمان قرداشلریمه وصیت ایدییورم . اونلره بيراقييورمكه ؛ امر حق اولان اجلم كلدیگی زمان ، بنم آرقه مده او متروكاتم ، بنم بدلمه او صادق و مبارك اللرده خدمت نوریه و ايمانيه ده چالیشسین و استعمال ایدیلسین .

قرداشلرم ! سز بو وصيتدن تلاش ایتمییڭز . بن ، تأثراتدن و طقوز دفعه زهرلنمكدن ، پك چوق ضعیف اولمقله برابر ؛ كیزلی منافقلرڭ دسيسه لرله متعدّد سوء قصدلري ایچون بو وصیتی یازدم . مراق ایتمییڭز ، عنایت ربّانیه و حفظ الهی دوام ایدییور . اَلْبَاق۪ى هُوَ الْبَاق۪ى

قرداشڭز سعید نورسی [١]

[ ١ ] امرطاغ لاحقه سی - ١ ، ص . ١٣٦ كری