ایشته بدیع الزمان حضرتلرینڭ هر شیدن تجرید ایدیلدیگی بو دونمده ، خسرو افندی اسپارطه ده خدمتڭ مركز نقطه سی اولارق طاقت بشر فوقنده بر غیرتله فعالیت كوسترییوردی . أویله كه كیجه لری صباحلره قدر چالیشدیغنی فرق ايدن پولیسلر ، غایت حقسز بر معامله يله صوقاغڭ كنارنده كی پنجره سنه اورارق ” لامبه یی سوندیر ! “ دییوب خدمتلرینه مانع اولمق ايستييورلردي . بو سببله خسرو افندی ، اوزون مدّت اوطه نڭ ديوارنده كي كوممه دولابڭ ایچریسنه كیره رك فعاليتلرينه او طاراجق مكانده ياقديغي موم ایشیغی ایله دوام ایتمشدر .
هیچ بر تضییقات قارشوسنده ييلمايان و غیرت آتشي داها دە آلولنن خسرو افندی ، نور خدمتنی چاليشقانلغي ، درایتی و اصابتلی قرارلریله سكته یه اوغراتمادن و حضرت استادله صیقی بر ارتباط حالنده سورديرمكديدي . بدیع الزمان حضرتلرندن كلن مكتوبلری چوغالتییور ، كركلی پك چوق نور آدرسلرينه اولاشديرييور و اورالردان كندیسنه كلن مكتوبلر و خبرلرله علاقه لی حضرت استادە معلومات ویرییوردی . خسرو افندی او كونلری آڭلاتيركن ، ” تام ١٢٥ آدرسله خبرلشييوردم . ظرفلرڭ أوزرینه آدرسلري یازمام بیله بر بچوق ساعتی بولویوردی “ دییه بحث ايدردي .