آفیون حپسی بحثنده آڭلاتيلديغي كبی ، رسالۀ نورڭ كیزلی دوشمانلری طرفندن نور طلبه لريڭي بربرندن ، خصوصًا خسرو افندیدن آییرمق ایچون غایت سیڭسی بر پلانی تطبيقه باشلامشلردى . بدیع الزمان حضرتلری بو سيڭسي تخریباتی معنًا كورمش و ؛ ” كیزلی دوشمانلريمز ايكي پلاني تعقيب ایدییورلر : بری ، بنی اهانتلرله [١] چوروتمك ؛ ایكنجیسی ، مابينمزه بر صوغوقلق ويرمكدر. باشده خسرو علیهنده بر تنقید و اعتراض و كوجنمك ایله بزی بربريمزدن آىيرمقدر “ [٢] دیەرك بو دهشتلی پلانی خبر ویرمشدی . بو پلانڭ أوڭني تماماً كسمك و طلبه لرینڭ بیلمدن آلت اولمه لرینی انگلله مك ایچون اونلره خطابًا ، ” خسروڭ علیهنده بولونمق ، طوغریدن طوغری یه رسالۀ نور علیهنده و بنم علیهمده و بزي پریشان ايدنلرڭ لهنده بر عظیم خیانتدر “ [٣] دییه رك كندیلرینی غایت شدتله ایقاظ ایتمشدی .
استاد حضرتلرینڭ بو شدّتلی ایقاظی ، بو دهشتلی فتنه پلاننڭ كچیجی اولارق اوڭنی آلسه دە، حپسدن صوڭره كی صوڭ اون ییل ایچنده عین قره لامه لر پرده آلتندن آرتارق دوام ایتمشدر . كیزلیدن كیزلی یه خسرو أفندینڭ سوزلری ، ترجیحلری ، خدمتده كی موقعی تنقید موضوعی یاپیلارق قلبلرده صورو اشارتلری اويانديريلييوردي . بو تهلكه لی پلانڭ دوام ایتدیگنڭ فرقنده اولان حضرت استاد ، حپسدن صوڭره كی الليلي ییللرده خسرو افندی حقّنده جماعتی بر كز داها اويارارق اونڭ و اونڭ كبی اسپارطه مدرسهة الزهرا اركانلرینڭ هیچ بر حركتنی تنقید ايتمه مه لرينڭ و اونلرله تام بر طايانيشمه و قرداشلك ایچنده اولمه لرينڭ لزومني بر كز داها شویله افاده ایتدی :
” قونيه لي حاجی صبري قرداشمز یانمه كلدی . بن ، صادق ، خيري ، مصطفی حاضر ایكن چوق اهمّیتلی صحبتمز ، حاجی صبری یه مهم بر درس اولدی . بالخاصّه مدرسة الزهرا اركانلرینڭ ، خصوصًا خسروڭ بو وطن و ملّت و عالم اسلامه خدمت ايمانيه لري و تخريبچي دینسزلرڭ دسيسه لرينه سد چكمه لری او قدر بویوك بر حسنه دركه ، فرض محال بیڭلر سیّئه اولسه عفو ايتديرر .
أویله ایسه ، باشده خسرو اولارق او اركانلرڭ هیچ بر حركتنی تنقید ایتمه مك و كمال اخلاص و صمیمیت ایله اونلره تساند و تام قرداش اولمق لازمدر دییه بو مألده بر درس اولدی . ان شأ اللّٰه حاجی صبري ده خواجه صبري و رشدی و امثاللری كبی روح جان ایله علاقه دار و خسروه تام قرداش اولاجق ؛ مشرب اختلافی داها تأثیر ایتمه یه جك .
خسته قرداشڭز سعید نورسی [٤]
یینه عین دونم ایچنده یازدیغی دیگر بر مكتوبده ، ماصونلرڭ طلبه لری بربرندن صوغوتوب جماعتی طاغیتمق شكلنده كی پلانلرینی حضرت استاد تكرار خاطرلاتدی و اونلری آرالرنده كی طايانيشمه و برلكده لگي قوتلنديرمه يه شو سوزلرله دعوت ایتدی :
” عزیز صدّیق قرداشلرم !
قطعیًا تحقّق ایتدیكه : بزه قارشی زندیق دوشمانلریمزڭ تحريكاتيله و آنقره ده بعض دينسزمه صونلرڭ پلانيله محكمه بتون قوتیله رسالۀ نورڭ انتشارینه مانع اولمایا چالیشدقلرینی ؛ و نورجيلرڭ دە تساندلرینی قیرمق ، بربرندن صوغوتمق حقمزده كی اڭ باش پروغراملريدر . . مدار مسئوليت حقیقت نقطه سنده بر شیئی بولامییورلر . رسمًا صاوجی دیمش ، مقاماته یازمش : ‘ دڭزلی براعتي بتون بتون رسالۀ نوري پارلاتدي و توسيع ايتديردي . اوڭا قارشی صوصدیرمق و سویوندیرمگه چالیشمق لازمدر . ‘ طوغری ایشته بو دهشتلی پلانلری ایچوندركه ، ایكی أوچ كونلك ایشی ، أوچ سنه بهانه لرله اوزاتییورلر .
ایشته ای حقيقي نور شاكردلری ! برنجی وظيفه ڭز ، بو دینسزجه سنه هجومه قارشی بتون قوتڭزله نورلرڭ پرده آلتنده نشرینه و محافظه لرينه ، اونلرڭ مقصدی عكسنه اولارق قرداشلریڭزڭ مابینڭزده تساندڭ ( طایانیشمه نڭ ) تقویه سنه چالیشمقدر . اڭ زیاده لازم و اهل ايمانڭ ایماننه قوتلی بر خدمت و بو وطنڭ سعادتنه اڭ اهمّیتلی بر مدار سعادت بودر . “ [٥]
مكتوبڭ صوڭ سطرلرنده كي آلتی چیزیلی جمله غایت مهمدر ! … حضرت استاد ، طلبه لری آراسنده كی برلك برابرلگڭ اهل ایمانڭ ایماننه و بو وطنڭ سعادتنه طوغریدن طوغری یه خدمت ایتدیگنی و ایده جگنی خبر ویرییور . عكس طورومده ایسه ، یعنی طلبه لر آراسنده كی طايانيشمه ضرر كورورسه ، ملتڭ ایماننڭ و بو وطنڭ سعادتنڭ بوندن ضرر كوره جگنه آچیقجه اشارت ایدییور . كفره قارشی تام طايانيشمه حالنده كی بر جماعت ایله ایمانه خدمت ایتمه نڭ بو زمانده الزم اولدیغنی دفعه لرجه بیلدیرن استاد حضرتلرینڭ اندیشه ایتدیگی كبی ، اگر نور طلبه لرينڭ برلگی طاغیلیر ، آرالرنده كی محبّت زده لنيرسه جماعت حالنده یاپیلان ایمان خدمتڭڭ بوندن بویوك ضرر كوره جگی آشكاردر . بو انديشه سني عمرینڭ صوڭنه قدر طاشییان عزیز استاد سعید نورسی حضرتلری ، طلبه لرینڭ آراسنده كی طايانيشمه صاغلاملاشنجه يه قدر آخرته كیتمك دخی ایسته مییور و او اختیار یاشنده حیاتنی محتمل سوء قصدلر قارشوسنده قورومه يه چالیشدیغنی شو سوزلرله خبر ویرییوردی :
” كرچه خاص قرداشلرم هربریسی مكمّل بر سعید حكمنده نوره صاحبدرلر . فقط اخلاصدن صوڭره اڭ بویوك قوتمز تساندده بولوندیغندن و مشربلرڭ اختلافیله - حپسده ( آفیونده ) اولدیغی كبی - بر درجه تساند قوتی صارصيلمسيله ، خدمت نوريه يه بویوك بر ضرر كلمسی احتمالنه بنأً ؛ بو بیچاره اختیار خسته حیاتم ، تا لمعه لر ، سوزلر مجموعه سی دە چیقنجه یه قدر [٦] و قورقاقلق و قیصقانچلق طماریله خواجه لری نورلردن أوركوتمك بلاسی دفع اولنجه يه قدر و تساند تام محكملشڭجه يه قدر ، او حیاتمی محافظه یه بر مجبوریت حس ایدییورم .
چونكه اوزون امتهانلرده محكمه لر ، دشمانلرم ؛ بنم كیزلی و موجود قصورلریمی كوره مدكلرندن ، حفظ الهی ایله بتون بتون بنی چوروته مدكلرندن ، رسالۀ نوره غلبه ایده مییورلر . فقط حیات اجتماعیه ده چوق تجربه لرله ماهیتی بیلینمه ین ، بنم وارثلرم كنچ سعيدلرڭ بر قسمنی نورڭ ضررینه افترالرله چوروته بيليرلر [٧] دییه او تلاشدن بو اهمّیتسز حیاتمی اهمیتله محافظه یه چالیشییورم . “ [٨]