احسان آتاصوی ، بدیع الزمان حضرتلرینڭ اسپارطه ده قالدیغی صوڭ دورینه عائد بر خاطره یی شویله نقل ایدییور :
” استاد حضرتلری بر كون صونغور آغابگله برلكده اسپارطه ده صاغ قولی طورومنده اولان طلبه سی خسرو آلتین باشاق آغابگي زیارته كیدییور . خسرو آغابگ رساله لری اطرافه نشر ایچون اویقوسنی بر ساعته ایندیرمش ، اون بش سنه أوندن طیشاری چيقمايارق دواملی رساله یازمش ، استادڭ تعبیری ایله ” بو وطنڭ معنوی خلاصكاری “ بر قهرمان .
استاد اونڭ بو فداكار خدمتی ایله ایلگیلی بو زيارتده شویله دیمش : ‘ ماضيده ( كچمشده یاشایان ) نیجه كملين اوليا ( كامل اولیالر ) بز نیه خسروه يتيشه مييورز دییه غبطه كارانه صورییورلر . ‘ استاد بویله دیینجه خسرو آغابگ ده محجوبيتله : ‘ استغفر اللّٰه استادم ، اونلر عرشده بز فرشده ‘ دییور . “ [١]
” بر كون استاد بزی آلوب اسپارطه ده آغاچلقلي بر یره كوتورمشدی . زبیر ، بایرام ، خسرو آغابگ ، بن و جیلان آیاقده قارشوسنده طورویوردق . ( استاد ) خسرو ایچون : ‘ بو بش ییل صوڭره ( ١٩٣١ ‘ ده ) آرامزه قاتيلدي ‘ دیدی . ( شیخ كیلانینڭ قصيده سنده كي ) تَعيشُ سَعيدًا ( طائيشي سعيده ڭ ) عباره سنده كی جفر حسابنڭ بش فرقله خسرو آغابگه اشارت ایتدیگنی افاده ایتدی . صوڭره : ‘ یر یوزنده اڭ بختیار بنم . بندن صوڭره اڭ بختیار بو اولاجقدر دییه خسرو آغابگه اشارت ایتدی . “ [٢]
” خسرو آغابگ بر زمانلر كیجه هیچ اویوماز ، صباحلره قدر رساله یازاردی . حتّی ذو الفقاري يازديغي زمان صباحه قدر یورغون دوشدكدن صوڭره باشنی یازی ماصه سنه طايايارق قرق بش دقیقه قدر اويومسي كافی كلیردی . استاد ، او زمان خسرو آغابگ ایچون : ‘ اون روحم اولسه طوقوزینی خسروه ويررم‘ دیمشدی . بن بونی خسرو آغابگه ارض ایتدم . خسرو آغابگ شویله ایضاح ایتدی : ‘ باق صونغور ! شو تخته ماصه يه استاد دمیر دیسه ، بن ده دمیر دیرم ! ‘دیمشدی . “ [٣]