اسپارطه نڭ يرليلرندن ١٩٣٢ طوغوملی نور الدّین قابورغه جي ، ١٩٤٩ - ١٩٥٩ ییللری آراسنده اون سنه قدر خسرو أفندینڭ خدمتنده بولونمش ، هر كون یاننه كلوب كیدره ك أمری آلتنده خدمت ایتمشدر . حالاً حیاتده اولان نور الدّین قابورغه جينڭ كونلگنه یازدیغی خاطره لری ، او دونمه ایشیق طوتان ایلك الدن بیلگیلر اولمسی آچيسندن مهم بر قیمت افاده ایدییور .

” خسرو أفندی یی ایلك زيارتم ١٩٤٩ باشلريدر . اونی ایلك كوردیگمده عادتا كندمدن كچدم . او مبارك سيماسني كورونجه أوزرمدن تر بوشاندی . بزه تخميني اولارق ایكی ساعت فلان درس ویردی . اونی كوردیگنده ، معنوی اولارق كندندن كچدیگڭ بر زمان اولور ، ایچون فرحلر و هیچ بر دوشونجه ڭ قالمازدی . كندیسی او قدر ساكن ، او قدر نارین ایدیكه ، هیچ كیمسه نڭ قلبنی قیرمایاجق بريدي .

بتون درسلری صرف رساله لردندي . استادڭ حیاتندن ، عصای موسيدن ، سوزلر مجموعه سيندن ، دواملی اونلردن اوقوردی . خسرو استادم درس ویرمگه باشلادیمی ، اينانڭ ایكی - أوچ ساعت ، درت ساعت كندیمزی اونوتوردق . او دە اونوتوردي . ‘ بو قدر وقت كجديمي یاهو ؟ ‘ دییه رك ايركيليردي . یعنی ناصل وقت كچدیگنی بيله مزدك . آرتیق آلدیغمز معنوی قوتدن طولایی اولسه كرك ، كندیمزی اونوتور و أویله بر زمان كچدیگنی خسّتمزدك .

بر كون خسرو افندی استادمز دیدیكه ؛ ” نور الدّین ، استادمز بدیع الزمان حضرتلری اسپارطه یه كلمك طرفداريمش . چوره ده هر هانگی بر مناسب یر اولمادیغی ایچون بورایه ، بنم قالدیغم بو اوه دعوت ایتدم و او دە رضا كوستردی . ان شأ اللّٰه یاقین تاریخده استادمز اسپارطه یه كله جك “ دیدی . ١٩٥١ ‘ ڭ قاسم آینده آرقداشم خالدله ( اللّٰه رحمت أیله سین ) برابر هم خسرو استادڭ أوینی ، هم ده یوقاری قتّه استادڭ كله جگی یری تميزله دك . یعنی ایلك كلمه تاریخی ١٩٥١ سنه سنڭ اون برنجی آييدي .

أوست قتّه استادمز بدیع الزمان حضرتلری ، آلت قتّه خسرو افندی ، تخميني أوچ آی قدر برابر قالدیلر . خسرو افندی ، آبلاسي خدیجه خانمه  عائد اولان بو اوه داها بر آی أوڭجه ، ١٩٥١ ‘ڭ اكیم آینده طاشينمشدي . او كونه قدر همن آرقه صوقاقده بولونان باباسندن قالمه أوده اقامت ایدییوردی . بو أوڭ میراث پايلاشیمي صیره سنده آبیسنه انتقال ایتمه سی أوزرینه اورادن آیریلدی و او صيره لر آنقره یه طاشينمش اولان آبلاسنڭ بوش طورومده اولان اوینه یرلشدی . كوچكلگڭدن بری كندیسنی چوق سون آبلاسي ، ” خسرو بو أو بنم دگل ، سنڭ “ دییه رك كوڭل رضاسیله أوی اونڭ خدمتنه آچمشدي . بدیع الزمان حضرتلری ده اسپارطه یه كلدیگنده بو أوڭ مساعد اولان ایكنجی قاتنده قالمغه باشلامشدی . فقط داها صوڭره ( استادڭ ١٩٥٣ ییلنده اسپارطه یه یرلشمك أوزره تكرار كلدیگنده ) ، استاده  گلن كیدن فضله زیارتجی اولمسی مناسبتیله و عین زمانده ایكیسنڭ بر آراده اولمه سندن طولایی امنیتڭ داها فضله صيقيشديرمسي سببیله استادمز بدیع الزمان حضرتلری باشقه بر أو بولونمه سنی ایسته دی . حتّی خسرو افندی بونی بڭا بالذّات آڭلاتدي و حضرت استادڭ : ” بن بوراده يكن خسروه  خدمت ایتدیرمییورلر . یاقینلرده باشقه بر یر بولالم “ دیدیگنی بڭا سویله دی . بونڭ أوزرینه ، بدیع الزمان حضرتلرینه شیمدیكی بیلینن اوتوردیغی أوی كرالاديلر .

خسرو أفندینڭ سڭيرجه كوينده بابالرندن قالمه كڭیش اراضيلري واردی . اورادن یاشار آغابگ دییه بر اورتاغي واردی . او اراضيلري اكر ، سنه صوڭنده كلیر ، حسابنی ویرردی . اونڭله معیشت نقطه سنده راحتلقله اداره ایدر ، هیچ بر كیمسه دن ده نه بر قوروش ، نه بر هدیه نه بر شی قبول ایتمزدی .

استاددن كلن مكتوبلر أوّلا خسرو استاده  گلير ، اوراده چوغالتيلارق هر طرفه كوندريليردي . اونڭ أوی ، بر نوع سانترالڭ باشيدي . خدمتی دوزنله ين ، بتون خبرلشمه يي یاپان اويدي . كلن مكتوبلری خسرو استاد بزلره ویرر ، بز ده بشر نسخه چوغالتير كليردك . بو شكلده چوغالتيلان استاد بدیع الزمانڭ مكتوبلری ، وان ، ارضروم ، اسكیشهر ، آفیون ، داها صوڭره استادڭ بورایه كلمه سیله امرطاغ ، بارله كبی چوق آدرسلره كوندريليردي . صوڭره دن آدرسلر چوغالدقجه ال يازمه لريله يتيشديره مز اولدق . بونڭ أوزرینه خسرو استاد استانبولدن تكثیر ماكینه سی كتيرتمه يه قرار ویردی . كیمڭ واسطه سیله كلدی بیلمه یورم . كلن تكثیر ماكینه سنی هر حالده صاوه دن ابراهیم كول اولسه كرك ، اونڭ اوینه يرلشديردك . خسرو استادم موملی كاغده دمیر قلمله بو رساله لری یازار ، اوندن صوڭره باصقی یه ، صاوه  گوتوروردك . ایلك عصای موسيدن باشلادی هر حالده . صوڭره استاددن كلن مكتوبلری عین شكلده چوغالتدق . بر ایكی سفر ژاندارمه لر صاوەي باصوب آرامه یاپدیلر . تكثیر ماكینه سنی ياقه لايوب امنیته كوتوردیلر . داها صوڭره ماكینه اورادن كیری آلیندی .

تكثیر ایدیلن مكتوبلر پوسته ایله كوندريله مييوردي . چونكه امنیتڭ تعقيبي چوق صيقيدي . آنجق نور طلبه لری بالذّات اللرنده كوتوره رك ویا خسرو استاده  زيارته كلن كيشيلر واسطه سیله كوندریلمك صورتیله طاغيتيلييوردي . یعنی او قدر زور شرطلر آلتنده انكشاف ایتدیكه بو رسالۀ نور ! فقط او زمانكی معنوی حظ بو زمانكی كبی دگل . او زمانكی معنوی حظ داها بام باشقه يدي ! جناب حقّه  شكر …

خسرو استادمڭ بعضًا جانی صيقيلديغي وقت ، خلیفه سلطان طرفنه كیدردك . بر كون ” نور الدّین ، یارین صباحلین كزمگه چیقالم . بن نمازی آنطالیه یولی اوزرنده كی دميركوپرو دە قيلايم ، سن ده اورایه كل “ دیدی . ایرته سی صباح بن كوپرویه واردیغمده باقدم ، سجّاده يي یازمش اوتورمش . اوندن صوڭره ، بن سلامٌ علیكم دیركن یاننده بویوك بر كوپك اولدیغنی كوردم . عینًا درت آياغنڭ أوستنه اوتورمش طورویور . كوپگي كورونجه بردن ایركیلوب همن كری یه چكیلدم . ” نور الدّین قورقما ! “ دیدی . ” بن بورایه كلدم . او دە كلدی یانمه اوتوردی . جناب حقّ بونی بنی محافظه ایچون كوندردی “ دیدی . اوندن صوڭره كوپگه ” هادی كیت آرتیق تمام “ دیدی . كوپك او آنده بیراقدی كیتدی . استادمزڭ بو كرامتنی بو شكلده كوزمله كوردم .

باشقه بر حادثه ده اگردیرلی حاجی عزیز ( مصطفی افندی ) [١] دییه اهل قلب بریسی واردی . او عالملردن بر كيشيدي . كندیسی مجذوب كبی ، فقط علمی اولان بر ذاتدي . سسی چوق كوزلدي . خسرو استادڭ اوینه كلدیمی زلي چالماز ، بسمله یی چكر ، اللّٰهڭ اولیا قوللرینه قورقو و حزن یوقدر معناسنده كی ؛

اَلَا اِنَّ اَوْلِيَاءَ اللهِ لَا خَوْفٌ عَلَيْهِمْ وَلَا هُمْ يَحْزَنُونَ ” دقّت ایدڭ ! شبهه سز ، اللّٰهڭ ولی قوللرینه هیچ بر قورقو یوقدر و اونلر محزون ( دە ) اولماياجقلردر . “ آیتنی اوقوردی . خسرو استاد همن اونڭ كلدیگنی بیلیر ، ” بنم قرداش كلدی “ دیر و قاپویی آچاردي . یعنی او اهل قلب مجذوب ذات دە خسرو استادي اوليا حكمنده كوروردی .

بن خسرو استادمزڭ كندی دیلندن دویدم : استاد بدیع الزمان ، خسرو افندی یه ، ” بن ئولدكدن صوڭره خسرو قرداشمزی یریمه كچیره جگم “ دیمش . یعنی ” بنم وكيلم خسرودر . بندن صوڭره بنم یریمه وكالت ایده جك “ دییه كندی آغزڭدن خسرو استادڭ ایشیتدیگنی بن ده اونڭ آغزڭدن مكرّر دفعه لر دویدم . یعنی بز بدیع الزمان حضرتلرینڭ وفاتندن أوڭجه ، یرینه خسرو أفندینڭ كچه جگنی قطعي اولارق بیلییوردق . “ [٢]

[ ١ ] حاجی عزیز شیخ مصطفی افندی ، خلوصی آغابگ اگردیر داغ قوماندو اوقول الده صوبايكن ، اوڭا بارله یی كوستره رك سنڭ دوقتورڭ اوراده دییه حضرت استاده  گيتمه سني توصیه ایدن كيشيدر كری

[ ٢ ] خیرات وقفی آرشيوي كری