اوزون ییللر خدمتنده بولونان اسپارطه لی یاقین طلبه لری ، خسرو أفندینڭ شخصیتنی ، انسانلره قارشی معامله طرزینی و طیش كورونوشني شویله آڭلاتييورلر :
” خسرو افندی انسانلره قارشی زیاده سیله شفقت و مرحمت صاحبیدی . بر قرداشمز أوزونتولی بر وقعه سني آڭلاتديغي زمان او دە أوزولوردي . أوزونتوسی آچیقجه كورونوردی . مختلف ولایتلردن هر كون مسافرلر كلیردی . اونلرله شفقتله ايلگيلنير ، مسئله لرینی حل ایدر ، بویوك بر حضور ایچنده دونمه لرینی صاغلاردي .
چوق یوموشاق خویلی ، حالم ، سلیم بر انساندي . انسانلره چوق سوه جن معامله ده بولونوردی . أویله كه بو معامله قارشوسنده انسانلرڭ ایچی اوڭا قارشی سوگی ایله طولاردي . كوڭللری فتح ایدردی .
چوق چوق صبرلی ایدی . دین دوشمانلرینڭ كندیسنه یاپدقلری ظلملره ، حپسلره ، زهرلره و حقارتلره رغمًا هیچ بر زمان خدمتده اوصانچ كوسترمزدي . بعض جاهل ، آرت نیتلی ویا اهل ضلالتڭ اویوننه كلمش كیمسه لرڭ اونڭ علیهنده سویله دكلری سوزلر كندیسنه اولاشدیغنده ، ” بن چاموردن بر ديوارم . بڭا آتیلان طاشلر بڭا صاپلانیر قالیر ، كیری چیقماز “ دیر و اونلرڭ سوزلرینه صبر و تحمّلله مقابله ایدردی .
غایت كبار و نازك ، بگ أفندی بر انساندي . صوڭ درجه ادب و حیا أوزره بولونوردی . اونی كورن ، ” بن بویله نازك ، بگ أفندی بر انسان كورمدم “ دیردی . هركس اونڭ بو يوڭنه حیران قالیردی . بونڭله برلكده غایت عزّت و وقار صاحبیدی . انسانڭ دگرينى دوشوره جك هیچ بر خفیف حركت ویا سوز كندیسندن صادر اولمازدی .
طوغریلق ، امنیت ، عهده وفا كبی اسلامی صفتلرده مكملدی . طوغريلقدن اصلا شاشماز ، آغزڭدن خلاف حقیقت هیچ بر سوز چيقمازدي . بو حالیله مخاطبلرینه تام بر كوگن و امنیت دویغوسی ویرردی .
صوڭ درجه یوكسك بر اللّٰه سوگیسی و قورقوسی طاشیدیغی ، سوزلرڭده حال و حركتلرنده آچیق بر شكلده كورونوردی . هر ایشنده و سوزنده دائما اللّٰهڭ رضاسنی كوزتيردي . اڭ بویوك مقصدینڭ جناب اللّٰهي راضي ایتمك اولدیغی هر حالندن آڭلاشيليردي . ” بز ربّمزڭ أوزریمزده كی هر تصرفندن راضی ییز . تك ربمز خالقمز اولان اللّٰه بزدن رضی اولسون ، بزلری قوللغنه قبول ایتسین یتر . بزم ایچون بوندن داها بویوك سعادت اولاماز “ سوزلرینی چوقلقله تكرار ایدردی . اخلاصڭ برنجی دستوری اولان ، ” عملڭزده رضايي الهی اولملی “ حقیقتنی فعل و سوزلریله سوركلی اولارق اطرافنده كيلره درس ویرردی .
هم خدمت جهتنده فوق العاده چالیشقان ایدی . دائما خدمتله مشغول اولور ، بر ثانيه سني بوش كچيرمزدي . كیجه لری چوق آز اویور . صباحلره قدر اوقور ، یازار ، رسالۀ نور خدمتی و قرآن كریم یازمقله مشغول اولوردی . كندیسی ، بر زمان اویقوسنی بر ساعته قدر ایندیردیگنی ، اگر بر سلاحی اولسه اونڭله او بر ساعت اویقویی دە ووروب اوندن دە قورتولمق ایسته دیگنی آڭلاتمشدي . دینه خدمت اوغرینه چوق بویوك بر غیرت و عظیم صاحبیدی !
خسرو افندی ، صوسیال ایلیشكیلر یوڭندن ، انسانی مناسبتلر جهتیله ده غایت مدنی بر انساندي . هر كلن مسافره صیجاق ایلگی كوسترردی . انسانلرله دييالوغي چوق كوزلدي . هركسڭ طورومني كوزلجه آڭلار ، اوڭا كوره معامله ایدردی . كلنلری ايلگيله دیڭلر ، سؤاللرینه غایت مناسب جوابلر ویرردی . كیمسه یی محزون ایتمك ايسته مزدي . حزنلی بر شكلده یاننه كلنلر ، روحًا فرحلامش اولارق اورادن آيريليرلردي . یاشلی ، كنچ ، خدمتده اسكی ویا یڭی هر سويه دن انسان كلیردی . هركسه طورومنه كوره لایق اولان معامله یی یاپاردی . خصوصًا رسالۀ نورله یڭی طانیشمش اولانلره داها یاقین علقه كوستره رك كندیلرینه فضله سیله دگر ویرردی . عادتا انسانلرڭ كندیسنه نه نیتله كلدكلرینی و ایچنده كی سؤآللرینی أوڭجه دن بیلییورمش كبی معامله ده بولونور ، اوڭا كوره صحبتلر ایدردی . بو حاله شاهد اولانلر دە حیرتده قالیرلردی .
بدیع الزمان حضرتلری كبی خسرو افندی ده قارشیلقسز هدیه قبول ایتمزدی . اگر آلمسی ایجاب ایدرسه ، او هدیه یه مقابل كله جك بر شیلر ویرر و أویله قبول ایدردی .
خسرو افندی سیماجه غایت كوزل ، بیاض تنلی ، كولچ یوزلی ، چوق نورانی بر انساندي . بیاض كيينير ، بیاض سارق صاراردي . بیاض كوملكله برلكده بول لاجورد پانطولون كیردی . بياضلر ایچنده نور كبی پارلاردي . بعض طلبه لری ، اونی ایلك دفعه كوردكلرنده كي دویغولرینی ، ” صانكه بر ملك كورییورم ظن ایتدم “ دییه افاده ایدرلردی . خسرو أفندینڭ صحبتلری كبی طیش كورونوشي دخی قلبلری ، روحلری طويوروردي . اونی كورنلر ، داها ایلك كوروشده تأثيري آلتنده قالیرلردی . او نورانی حالی ، زیارتنه كلن بویوك عالملری دخی تسليمه مجبور ایدردی . كندیسنه حرمتله معامله ایدرلردی . آز یر ، آز اویور ؛ بوڭا رغمًا چوق دینچ كورونوردی .
قونوشمه سی دە چوق كوزلدي . غایت آچیق ، فاسخ و آڭلاشیلمه سی قولای بر شكلده قونوشوردی . ” بنم لسانم استانبول لسانیدر “ دیردی . قونوشمه سنده كي لطافت ایله نورانی سیماسی انسانلری تأثيري آلتنده بیراقیردی . بر كلن بر داها كلمك ایستردی .
ذاتاً سلاله سي ده تمیز و پاك ایدی . دیندار و اصیل بر عائله دن كلییوردی . آتالري عثمانلی دورنده اسپارطه جوارینڭ عشر ويرگيلريني طوپلامقله كوروليديلر . بابا طرفندن دده سي حاجی ادهم زاده علی آغا اسپارطه واليلگي ياپمشدي . آنا طرفندن ایسه اولاد رسولدن سيّددي . بابا طرفندن ایسه حضرت ابو بكرە ( ر ض ) ‘ طايانييوردي . “ [١]