نور قهرمانی خسروه
عزیز ، صدّیق قرداشلرم ! بایرام تبريكيله برابر هر بریڭزی درجه سنه كوره برر سعید و برر وارثم و بنم یرمده نورلرڭ برر بكچیسی و محافظی اولارق معنوی بر خاطره يه بنأً قبول ایتدیگمی خبر ویردیگم كبی شیمدی ده سزه بیان ایدرم . مادام حدمدن چوق زیاده حسن ظنّيڭزله بڭا علوم ایمانیه ( ایمان علملرنده ) و خدمت قرآنیه ده بر استادلق ویرمشسڭز . بن ده باشده خسرو و اركانلر ، هربریڭزه درجه سنه نسبتًا اسكی زمان استادلرینڭ اجازت آلمغه لایق اولان طلبه لرینه اجازت علميه يي ویردكلری مثللو ( كبی ) اجازت ویرییورم . و بتون قناعتمله و روح جانمله سزی تبریك ایدییورم . ان شأ اللّٰه شیمدی یه قدر صداقت و اخلاص دائره سنده فوق العاده نشر انوار ( نورلري نشر ) ایتدیگڭز كبی داها پارلاق دوام ایدوب بو عاجز ، ضعیف ، متقاعد ( امكلی ) بر سعید بدلنه بیڭلر مقتدر ، قوتلی وظيفه پرور سعیدلر اولورسڭز .
قرداشڭز سعید نورسی [١]
![استاد بدیعالزمانڭ احمد خسرو افندی یه ویردیگی اجازتنامه](images/icazet.png)
استاد بدیعالزمانڭ احمد خسرو افندی یه ویردیگی اجازتنامه